Sidney Poitier (AFI: ['pwɑtiˌyɪ]; 20 de febreru de 1927, Miami – 6 de xineru de 2022, Los Angeles) foi un actor, direutor de cine, escritor y diplomáticu d'Estaos Xuníos d'orixe bahamés, ganador del Premiu Óscar en dos causes.
Empezó a ser conocíu por aclamaes interpretaciones n'obres de teatru estauxunidenses, nes cualos desafiaba los estereotipos raciales. D'esta manera dio una gran credibilidá a los actores afroamericanos nel mundu occidental.
En 1963, Poitier consiguió ser el primer actor afroamericanu en ganar l'Óscar al meyor actor pola so interpretación en Lilies of the Field. El significáu del so llogru foi confirmáu en 1967 cuando protagonizó tres películes perbién recibíes: To Sir, with love (película), In the Heat of the Night, y Aldovina quién vien cenar esta nueche.
Tamién dirixó conocíes películes como Asocedió un sábadu, y Let's Do It Again (col so amigu Bill Cosby), y Llocos de remate (protagonizada por Richard Pryor y Gene Wilder).
En 2002, 38 años dempués de recibir el Óscar al meyor actor, Poitier foi escoyíu pola Academia de les Artes y les Ciencies Cinematográfiques de Hollywood pa recibir el Óscar Honoríficu.
© MMXXIII Rich X Search. We shall prevail. All rights reserved. Rich X Search